لكن بعداك بتسلك الأمور..اخر العجين كبيه مع الخمّار وخليه بره عشان يعمل ليك خمّار تاني… الخمّار للماعارفينه ده عجين الكسره زاته، لكن بنكون محتفظين بيه في التلاجة، بكون مخمّر شويه كده وريحته مختلفة… لمن نجي نعوس بنكب منه مع العجين عشان الكسره تطلع فيها حبة حموضة كده.. في ملاحات بتحتاج الكسره تكون خميرة… زي المفاريك.. وفي ملاحات بتتاكل الكسره فطيرة شويه.. زي النعيمية والتقلية.. لو ما عندك خمّار ممكن تعمليه براك في البيت، خلينا نقول نص كباية دقيق اعجنيها بي تلاته ارباع كباية موية ومعاها ملعقة كبيرة زبادي او نص ملعقة صغيرة خميرة او نص ملعقة صغيرة خل