بانكيك مالح

بانكيك مالح… حلو جدا ولزيز.. وبنفع خالص للمدرسة… ده غير انه وجبة متكاملة.. فيها الحليب والبيض والخضار واللحمة والجبنة…

s_pancake_final

طبعا ده بانكيك، ما كريب… الكريب ما بتعمل معاه باكينج باودر وبكون رفييييع زي الكسره… لذا وجب التنبيه.. 

لكل بيضتين بنعمل نص كباية حليب.. ونضربهم تمام عشان ندخّل فيهم الهوا… والبيض يفك شويه… ونعمل معاهم ذرة ملح.. ممكن نزيد وممكن ننقص حسب المكونات الحنعملها معاها

s_pancake_1

بعداك نضيف ليهم كباية دقيق .. ونضيفها شويه شويه عشان ما يكلكع ليك… ولسه شغالين بي مضرب الشبك… بعد يندمج الدقيق كله، كبي ملعقة صغيرة باكينج بودر.. الباكينج بودر الهدف منه انه ينفخها شويه وتكون هشّة.. عشان كده برضه مهم جدا ما تكتّري سواطة… كده انت جاهزه بالأساس بتاع البانكيك.. بس خففناه شويه عشان الحاجات الحنضيفها معاه
s_pancake_2
قطّعي ليك خضروات قطع صغيرة… انا عملته طماطم وفلفل اخضر وفلفل برتقالي.. ممكن تعملي بصل او بودره توم او فطر او زيتون.. حسب بتحبوا شنو.. اي شي عايزاه
s_pancake_3
بعد نكب الخضار في عجينتنا، ما تسوطي بمضرب الشبك.. انا أضفته هنا مارتديلا مربعات وجبنة موزيريلا.. وسوطه سريعة كده بس يندمجوا مع بعض
s_pancake_4
نجي للتسويه.. في طوه تكون ما بتلصق.. او طوه فيها حبّة زيت… كبي مقدار ملعقتين كبار من الخلطة… وبعد تشعري بيها اتماسكت من تحت، اقلبيها…
s_pancake_final
لو عندك مزاج، زيي اليوم داك، اعمليها بأشكال الخبيز… بس حتحتاجي تمسحيهم بي زيت او non stick spray عشان يطلعوا ليك بدون ملاوة
 s_pancake_5
ده شكل النجمة بعد استووا في الفطور بتاع بتّي.. وكنت عاملاهم قبلها بيوم، الصباح بس سخّنتها بالمايكروف.. وفضلت بنفس الطراوه

s_pancake_6

اترك تعليقًا

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s