شوربة جرّبتها الليلة اول مره.. اسهل وأسرع والذ من حقت الطماطم.. بشجعكم كلكم اعملوها
انا عملتها شويه على قدرنا.. لكن انتو دبّلوا الكمية… جيبي بطاطاسية واحده متوسطة.. وقشّريها
قطعيها صغار عشان تتسلق ليك بسرعة.. اسلقيها فيها كبايتين موية.. معاه نص ملعقة صغيرة ملح
بعد يتسلق تمام، ما تصفي المويه، حنستخدمها في الشوربة.. في طوة، اهرسي تلاته فصوص توم وقلّبيهم في ملعقة صغيرة زبدة.. اووووعك يحمّروا… تقلّبيه سريعة بس وكبيهم في البطاطس
اخلطي البطاطس تمام.. اتأكدي انه مافي ولا حتة.. خلطة مجيّهة.. ورجّعيها النار.. كده طعمها لزييييييييييييييز.. وما بتتعرف زاتها شنو.. لكن انا قلت الا أتم الوصفة للنهاية.. عملت ليها ربع كباية جبنة شيدر..
انا عملت الجزء الاخير ده بعد الاذان.. لمن جيت أسخن الشوربة كبيت الجبنه بس تسيح.. لكن المره الجاية بعملها من غير الجبنة.. اخف.. رغم انها بالطريقتين لزيزه… زينتها بي شوية جبنة من فوق
مطبخ مريم الحسين 