سمنة فك الحيرة

سمنة فك الحيرة… طعمها وريحتها زي السمنة البلدية.. ولا بتشبه السمنة البتجيبيها من السوق.. علّمتني ليها خالة زوجي… وعملتها لي عشان لو عايزه أكب في وش الملاح ولا المديدة.. او اي شي خفيف زي كده.. عملتها امس فشلت فشلاً ذريعاً، بوريكم ليه بعدين.. عملتها الليلة الصباح اتظبطت.. عايزاها للشعيرية البيضاء الطلبته وصفتها، عاملاها في فطور واداه لجارتي معاها نسيبتها..

samna_11

اول خطوة بنجيب زبدة لورباك.. زبدة غير مملحة.. ما عارفه الماركات التانية بتظبط كيف ولا طعمها بكون كيف.. لكن دي العملوها لي المره الاولى ومسكته فيها… عملته هنا ٤٠٠ جرام، انت على كيفك حسب الكمية المحتاجاها..
samna_1
قطّعي الزبدة عشان ما تتأخر ليك في انها تسيح.. وختي حلّة تكون تقيلة في نار متوسطة.. قبل ما تختي الزبدة في الحلة، خلي الحلّة تسخّن شويه ما كتير..
samna_2
ختي القطع كلها في الحلّة وحرّكي الحلة عشان الزبدة تسيح. الحلّة حاره طوالي الزبدة حتسيح ليك..
samna_3
بعد تسيح كده لنصّها، ارخي النار عشان ما تتحرق ليك
samna_4
أوعك تمشي تخليها.. صحي نارك هادية، لكن في لحظة ممكن تحرق.. وده الحصل لي امس .. جيت لقيتها سودااااا .. افضلي كل شويه حرّكي الحلة لحدي ما تذوب الزبدة كلها… بعد تذوب كبي ليها ملعقتين كبار زبادي ومعاه كم حبة هبهان
samna_5
بعد تسيح وتجقجق في النار، بتعمل رغوة.. الرغوة دي بقايا الحليب الفي الزبدة.. احنا ما عايزينها… ممكن بي ملعقة تقشطيها وترميها.. وممكن تخليها بعدين تتصفّى.. الفترة دي بننتظر لانه الزبدة فيها مويه طبعا واحنا عايزين الموية تتبخّر..
samna_6
حاليا، السائل بكون لونه اصفر وريحته بتكون ريحة زبده.. خليه في النار واصبري عليه.. لحدي ما لونه يبقى شفاف.. ممكن يكون شفاف لكن لسه ريحته ريحة زبده ما تستعجلي عليها
samna_7
شويه شويه بتبدي تشمّي ريحة السمنة ماليه البيت.. وبتلقي رواسب محمّره في قعر الحلّة… كده سمنتك جاهزة..
samna_8
أطفي النار وخليها تبرد شويه وتروق.. بمعنى انه الرواسب دي كلها تقعد تحت ما تعزّبك بالتصفية..
samna_9
ممكن برااااحه تكبيها في برطمانتيك بعد تدفأ.. وما تحتاجي تستخدمي مصفى.. انا ما صفّيتها، كبيها ساي… اتأكدي انه البرطمان نضيف وناشف..
samna_10
خليها لمن تبرد تماماً، وختيها في التلاجة لو الواطة حر.. في البرد ممكن تختيها في الدولاب ساي.. 

ده شكلها بعد ختيتها في التلاجة
samna_11

One response to “سمنة فك الحيرة

  1. التنبيهات: الباسطة السودانية | مطبخ مريم الحسين·

اترك تعليقًا

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s