اليوم داك جاني ضيف في الغدا وكان شاكي من بطنه.. وقال لي عايز ملاح روب ابيض بي عصيدة.. قمت طوالي اتذكرته الطريقة المختصرة بتاعت الملاح.. والعصيدة طبعا ما قضية.. مسافة نادر جاب الزبادي من الدكان، كنت عملت عصيدتي وكبيتها في القالب…

بعداك في حلّة تقيلة في النار، نصفّي الحاجات الخلطناها قبيل، ونرفعهم في نار هادية… ونكب ليهم ملح ونرمي فيهم كم قرن شطة خضرا ونفضل نحرّك… النار تكون هادية عشان طعم البصل ينضج ما يكون ني.. وفي نفس الوقت التحريك عشان الدقيق يخلي الملاح متماسك وما يقطع ليك.. الحلة تقيلة عشان ملاح ما يمسّك.. تفضلي تحركي وتضوقي لحدي ما تحسي طعم البصل بقى ما حاد..

لما الملاح يتقل بسبب الدقيق كبي فيه ربع ملعقة صغيرة قرفه مسحونه وحرّكيها، بعد شويه كبي ربع ملعقة صغيرة ويكه، وحركيها بي مضرب الشبك… عشان الويكه تتلايق.. وخليه شوييييه، واطفي النار…

بعداك تملحي بيه العصيدة وتعملي ليك خيط بتاع سمنه من فوق…. وشكرا الف شكر للنزلت الوصفة.. انا للأسف الشديد انا ناسيه منو….